బుడుగు-చిచ్చుల పిడుగు

నేను బాపు-రమణ గారి అభిమానిని.
వారి బుడుగు కి వీరాభిమానిని...వారు రాసిన బుడుగు-చిచ్చుల పిడుగు ఎన్నిసార్లు చదివానో తెలీదు.

బాపుగారి బొమ్మలు,రమణగారి మాటలు.....ఇప్పటికీ స్నేహితులతో మాట్లాడుతున్నప్పుడు హాచ్చెరం,బోల్డు

లాంటి పదాలు వాడేస్తుంటాను.

మన బుడుగు చేసిన అల్లర్లలో మచ్చుకి ఇక్కడ కొన్ని........

బుడుగు-చిచ్చుల పిడుగు

నా పేరు బుడుగు అంటే పిడుగు.మా బామ్మ హారి పిడుగా అంటుంది,అందుకు.ఇంకో అస్సలు పేరు

ఉంది.ఇప్పుడు చెప్పడానికి టైము లేదు.అది చాలా పొడుగు.కావలిస్తే మా నాన్నని అడుగు.

అగో మా నాన్న.మా నాన్నకి నేను కొడుకు.ఇలా అని కొత్త ప్రైవేటు మాష్టారు చెప్పాడు వీడు మంచివాడు

కాదు అంటే చెడ్డవాడు.అసలు వీడే కాదు ఈ ప్రైవేటు మాష్టార్లందరూ అంతే.

చిన్న పిల్లలకి చదువు చెప్పడం రాదుపైగా సొంటి పిక్కలు తీస్తానంటారు.ఈడుకు తగని లెక్కలు

చెయ్యమంటారు.
ఆ లెక్కలు చూసి బామ్మ కూడా అమ్మబాబోయ్ అనేసింది.(బామ్మకి అ,ఆ లు కూడ బాగా రావుట.).

అంతేనేం మళ్ళా మాష్టారొస్తే రండి బాబూ అని చాపేస్తుంది.